那誰(沒有二次創作)

★原裝★

芝: 你坐喺電腦前面,嘗試喺搜尋引擎器裏面輸入:「How to forget」,自動彈出嘅第一個聯想語句,亦即係全球被搜尋次數最多嘅語句,係:「How to forget someone?」…… 點樣先可以將一個人忘記得一乾二淨?我可以好肯定話俾你知:冇方法,你話:「感覺會隨時間凋淡」,我明呀,問題係我而家好唔開心呀……其實呢……「放膽去愛」好犀利。你知唔知點解呢個世界咁悶?因為十居其九都係肯學就識嘅事。「放膽去愛」唔同。「放膽去愛」係學唔嚟架,唔係人人得架,而你竟然識呀……吖……唔記得咗講,你原本想喺搜尋引擎器裏面輸入「How to forget」,但係當你輸入到「How to f-o-r-g……」嘅時候,搜尋器會自動彈出一句:「How to forgive yourself?」

惡搞開始!!

★英文篇★

芝: 你坐喺電腦前面,嘗試學卓韻芝咁喺搜尋引擎器裏面輸入:「How to forget」,自動彈出嘅第三個聯想語句,係:「How are you」…… 點可以無咁行貨咁問候人?我可以好肯定話俾你知:冇方法,你話:「噓寒問暖好重要」,我明呀,問題係我唔識講英文呀,撚樣!其實呢……「港式英文」好犀利。你知唔知點解呢英文咁難?因為d grammar 十居其九都係exceptional case。「港式英文」唔同。「港式英文」係唔駛學架,係人人都講得架,而你竟然唔識呀……吖……唔記得咗講,你原本想喺搜尋引擎器裏面輸入「How are you」,但係當你輸入到「How are y-o-」嘅時候,搜尋器會自動彈出一句:「How are you 點答」

★入廚篇★

芝: 你好肚餓!你坐喺電腦前面,嘗試學卓韻芝喺搜尋引擎器裏面輸入:「How to 唔記得點串」。我亂咁打左個 m 字,自動彈出嘅第一個聯想語句,亦即係全球被搜尋次數最多嘅語句,係:「How to make cake」…… X!乜咁多人想整蛋糕架咩?我可以好肯定話俾你知:我唔知!你話:「整野食最緊要有心機」,我明呀,問題係我而家好肚餓呀……其實呢……「芒果蛋糕」好好味。你知唔知點解熱帶雨林消失得咁快?因為好多人要食黑森林蛋糕呀。「芒果蛋糕」唔同。「芒果蛋糕」係無真芒果架,你估咁易俾芒果你食呀?而你竟然食到有……吖……唔記得咗講,你原本想喺搜尋引擎器裏面輸入「How to make cake」,但係當你輸入到「How to make c-……」嘅時候,搜尋器會自動彈出一句:「How to make chocolate」

★美劇版★

芝: 你坐喺電腦前面,想證實一下卓韻芝所說是否屬實,於是,嘗試喺搜尋引擎器裏面輸入:「How to forget」,自動彈出嘅第一個聯想語句,亦即係全球被搜尋次數最多嘅語句,竟然係:「How I met your mother」…… 咦,點解唔係咩 how to forget someone 既??車,卓韻芝你個八婆呃我!講開又講,第時萬一 SOPA 或者 ACTA 過左,仲會唔會有美劇睇呢?我可以好肯定話俾你知:冇可能,你話:「等遲D睇 DVD 啦」,我明呀,問題係我追開呢個 season 架嘛……其實呢……「美劇網站」好犀利。你知唔知點解呢個世界咁悶?因為十居其九係因為D人睇埋TVB果D師奶劇。「美劇網站」唔同。「美劇網站」唔係人人識去架,唔係人人download 到架,而你竟然識呀……吖……唔記得咗講,你原本想喺搜尋引擎器裏面輸入「How I met your mother」,但係當你輸入到「How i……」嘅時候,搜尋建議中間會有一句:「How is going」wtf?

★夏日渡假版★

芝: 你坐喺電腦前面,嘗試喺搜尋引擎器裏面輸入:「How to forget」,但係我唔小心手快快打錯,打左「Haw….」自動彈出嘅第一個聯想語句,亦即係全球被搜尋次數最多嘅語句,係:「Hawaii」…… 幾時先可以會夏威夷渡假呢?我可以好肯定話俾你知:冇可能!你話:「去布吉島都係咁上下嗟,仲平好多…」,我明呀,問題係我要去夏威夷……其實呢……「靚煲皇」好特別。你知唔知點解佢地唔做任飲飲食?因為十居其九既酒樓D任食火鍋都唔掂。「靚煲皇」唔同。「靚煲皇」有優質新鮮生料,唔係人人得架,仲有波睇!……吖……轉左話題添,你原本想喺搜尋引擎器裏面輸入「Hawaii」,但係當你輸入到「H-a-w…..」嘅時候,搜尋器無啦啦會見呢套美劇:「Hawaii five-o」都好,頂住先。

★音樂篇★

芝: 你坐喺電腦前面,嘗試喺搜尋引擎器裏面輸入:「Hallelujah」,自動彈出嘅第五個聯想語句,亦即係全球被搜尋次數第五最多嘅語句,係:「Hallelujah get out」…… 呢隊 band 你都無聽過?我可以好肯定話俾你知:佢地正呀!你話:「我都無聽過佢地D歌」,我明呀,問題係佢地真係正喎……其實呢……「割盡田角」好犀利。你知唔知點解香港依家咁仆街?因為我地十居其九既錢都係俾X哂李 +x。「割盡田角」唔同。「割盡田角」係利未記一節,唔係人人記得架,而你竟然識呀……吖……又離左題,你原本想喺搜尋引擎器裏面輸入「Hallelujah」,但係當你輸入到「H-a-l-l……」嘅時候,搜尋器會自動彈出一句:「Halloween」

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s