柒事做盡:談工聯會選舉形象

拿,這個post 我不會談工聯會的政治和背景,我只談市場、設計。

工聯會今次選舉,不搞主流形象(即係西裝呀、polo 恤呀過D),改用特別造型。以下是第一擊:


黃國健 cosplay 扮《火影忍者》呀!睇佢件衫,佢應該係「工影」,佢條忍村叫「民工村」。這種手法,通常是用來取悅年青人,希望他們覺得自己唔老套。但是,正正就是因為年青人熟悉流行文化,他們一眼就看得出你們的cosplay 流得很。即係咁呀,拿支結他去溝女係好浪漫,但係唔該你要識彈囉。你唔X識 cosplay 你就唔X好學人玩啦。鳴門變左禿頭呀,X你老母!對唔住,我真係忍唔到,但係,真係好罄丫嘛。仲有,《火影》入面,係得藥師兜一件蛋散係戴眼鏡架咋。唔X該你地啦,蒜狗掃把喇。

好,那邊廂的王國興,放棄了毛筆,拿起槍桿子來:

小弟第一次見到,嘩,驚為天人。心裡只有幾個字:「王國興打手槍呀!」基本上,若不是半身對工聯會有偏見,從設計來看,還算是合格的,至少相片是影得阿王國興相當剽悍,十足葉繼歡、張子強。但是,在設計的當眼位置有一個古怪的「撐得起」,就令人相當困惑。撐咩呀?究竟係其他人撐箭嘴指著的王國興,還是王國興用支槍撐起D票呀?呢D咁既 design,擺明係玩佢地啦。還有呀,「集中力量」四個字又是模模糊糊,即係點呀?王國興集中火力射你呀?真係睇到火都黎。

但係,王國興竟然繼續大搞呢個 image 喎!在面書出了一大堆相:

我唔張張 post 喇,你地自己去佢 facebook 睇(快手呀,萬一佢真係醒悟,delete 哂就無架喇)

拿槍的形象,正面來說,就是給人剽悍幹練的感覺,是實幹型的人。但是,槍,同意也帶著危險、強盜、恐怖襲擊、極權等非常負面形象。在選舉其間,拿這樣的形象代表自己,非常不智。再加上工聯會本身又和六七暴動丟土製炸彈有關,更易讓人想起他們不光彩的歷史。人家拿來說,還算冤枉,你自己用 poster 來提醒人六七暴動土製菠蘿,有無人咁白癡呀?

設計本身,也是相當不濟

英文錯漏百出、而視覺上一眼看上去,就是「機會 0」。唉,無得救。我可以肯定,你地係被設計師玩。但係,那又如何?我想,這設計是你 approve 的。那,根據我的理論,這反映了你的品味。我更相信,這反映王國興潛意識的共產黨本性。總的來說,我只可以用「柒事做盡」來形容工聯會的選舉形象工程,無論主題、手法、設計的細位,都錯。但是,那又如何?激進勢力「躺著也中槍」,而工聯會,卻得著中共之蔭「躺著也當選」。香港的議會,唉。

我早前講過,品味反映素養,更反映判斷力。邊有理由錯得咁交關架?佢地搞個選舉工程都搞到咁柒,你投票俾佢,佢咪搞柒香港囉。佢咁鍾意 cosplay,我估佢夠膽死著件軍服宣誓架。但係,網民眼睛係雪亮既,唔洗一日,好多改圖:

但講到最最最好笑,係以下呢張:

最後,我送上古思堯的一句話,作為我對工聯會的建議:

4 thoughts on “柒事做盡:談工聯會選舉形象

    1. 我也是這樣想。我的陰謀論是:工X會身為工人代表,但卻壓榨 designer,俾好少 budget 佢地做可多野,而碰巧他們的 art director 是民主派支持者,所以就「足先」他們一鑊甘,一來為了報低薪之仇,二來為了讓他們樣衰,一石二鳥。

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s