我不團結

政總散水,分裂成兩派,開大片,周街都見到人叫大家要團結。人力選完,「人網能」和「熱血」開片,又係有一班人在叫大家要團結。兩件事,各有古怪。

大聯盟叫人撤離政總,之後又叫人團結,即係你打散一班人,然後叫他們團結起來。有無咁搞笑呀?我說,在這次運動中,大聯盟是最沒資格叫人團結的。其他人本著想反對國民教育的意志,還可以這樣呼籲,但大聯盟?No。他們還好意見叫人不好怪他們。另外,他們有批人,是口裡喃喃說著多元、理性、公民、持份、參與……這堆左翼術語的,既然是那麼多元,你還說甚麼團結?既然你們甚麼也擁抱,那麼就擁抱我的不團結吧。

另外,熱血公民。我是熱血公民的一份子,但全沒有內情,我知道的都是大家上網能見到的。有些事,是可以觀察得到的。黃洋達由頭到尾,都只係和毓民一起,沒有和其他人力參選人一起。毓民搭皇上,蕭生劉翁搭慢必,大舊自己搞自己。表面看似是策略,其實知道人網多少少,就知道黃洋達同人網一系,是口和心不和的。但為了選舉,一路谷住唔講而已。既然選完,而黃洋達又敗選,那還有甚麼團結的理由?黃洋達領軍的熱血公民,雖然是在黃洋達在主持「早朝天下」的時候成軍,但一定不是靠人網壯大的。黃洋達看形勢是會和人民力量疏遠,這當然會被人話他反骨。但仔細一想,不走,留來幹啥?

團結,必須要有兩個元素:組織和目標。兩者缺一皆不能再講團結。政總一事,是驟然失去了組織,化整為零,所以最終只有意志上的團結;而人力的事,則是因為失去了目標,所以再也無需團結。也許,在我們的基因中,總是希望更團結,更多人和自己意念相同。但我們不是同時又高舉獨立精神嗎?所以我還是比較遠離組織,跟理念而行。熱血公民若果變了質,我是絕對會離開熱血公民的。

最後要岔開講,80 後社運精英們,他們喜歡擁抱悲壯和失敗,不以成功為目標的。對他們來說,只要發動了行動,就等如成功。若果你為求參與,你可以跟他們一起開心公民fun fun fun,他們會帶給你一種很滿足,覺得自己參與了偉大抗爭的*感覺*。但若閣下想抗爭成功,則請勿和他們癲。

Advertisements

20 thoughts on “我不團結

  1. 可笑是在還沒有實力前便要分裂了。

    看來關心社會的人就只有一路嘆息下去了。
    反而漠不關心社會的人有花生可吃。

    最後,80 後社運精英們,當然是靠不住的。

    1. 絕對同意。我覺得件事係相當肉酸的,而且 timing 是超錯的。至於反骨,我覺得要睇返當時他們是怎樣 deal 這個合作,有討論空間。但沒有理由一日人力,一世人力的。

  2. 如果唔洗同選民交代都講得通嘅.

    但係有冇諗過睇著雙方互吐口水, 投左票俾你哋嘅選民會幾難堪呢?

    而選舉拉票係一齊拉嘅, 九東幫其他四區拉, 其他四區亦幫九東拉, 而家搞成咁, 叫幫過手拉票嘅人點樣交代呢?

    離婚收場本身冇乜大不了… 只不過上律師樓簽紙, 同殺左個老婆跟手著草, 有好大分別.

  3. 其實沒什麼大不了…都不知道點解要嘈起上來…
    一句不支持人力就引起甘大風波…
    人力主席同兩個黃生都無回應就嘈起上來…
    搞到上左報紙…最最搞笑仲要只係引用fb的留言…
    當事人仲只收錄得一句留言甘多…
    無論對人力同黃生本人都一點好處也沒有-.-
    有人仲要係因為佢老婆鬧人力又入佢埋數…
    如果有道理咪當面鬧佢老婆囉, 當你係好男不與女鬥…
    之後就係網上話人老公幾搞笑…
    如果佢老婆係錯, 亂鬧人力…
    最多只可以話黃生佢不好好管教老婆姐
    跟住仲要有人攞陶生來比黍抽水-.-

    選舉完, 拆夥沒什麼大問題, 要睇佢同毓民最初的協議, 但e家無人知嘛-.-
    向選民交代? 極端的說…佢要向3萬幾人交代,
    因為d選舉諾言一個都對現不到拉,都選5到入去…
    最重要d選民究竟因咩野投佢票? 係因為”人力”個名定黃洋達定因為理念?
    如果講大方向的理念我覺得佢同人力根本無咩5同,佢本身就係黃毓民教徒
    如果佢要交代的就只有那些只懂得人力個名而不知佢做咩果d跟大隊的選民

    選舉期間,還是有合作關係,人力去幫佢 同佢幫人力好正常-.-
    之前同一隊,正常的當然要互幫拉-.-人地離隊就追番之前幫佢條數甘出奇
    如果佢選上了之後飛起人力而當初個協議係要以人力成員當選出任就話要追究交代姐
    難道要佢困係人力4年後再選咩-.-我見佢自己都話不會等x4年拉

    可能兩個黃生早上仲一起去飲茶添
    甘多人代佢地兩個人嘈就真係搞笑…
    最肉酸仲要上左報
    建制派就開心的買花生睇lu-.-

  4. 我聽人網, 撐阿達, 亦支持人力, 出錢出口, 但冇出黎幫手。我唔知你係邊個, 只係見到人有人share, 無意中撞入黎。我都忍左兩日, 見呢度三唔識七, 不如就講下我呢個普通支持者點睇。

    由day1開始熱血併入普羅而唔係直接入人力, 已經標示左兩者之間係有條界。而選舉其間斷斷續續有不和嘅言論流出, 雖然好快河蟹左, 但大家都明係有啲野。為選舉以策略聯盟形式出戰無可厚非, 聯盟內有個一致嘅短期目標就得, 選後要拆伙, 咪拆伙囉, 冇乜問題。但呢個拆伙必須係和平嘅(至少表面上), 公開嘅, 及有清晰理由嘅。
    而家個問題係: 未拆伙大家已經互屌。
    熱血公民入面有人感到委屈, 覺得人力有人心地唔好, 谷左好耐, 我唔知內情, 但信係事實。然而事實還事實, 呢啲問題唔可以以一種情感宣洩式嘅公開罵戰去處理。我對有D講法相當不滿:

    (一) 「有問題就要出聲, 做乜唔俾人講? 做乜要收收埋埋? 而家選完, 係時候處理呢d問題。

    冇人唔俾你講, 有問題更要解決, 但唔係用呢種方式, 係facebook度做。內部問題內部解決, 你地大可以開個大會, 坐埋一齊, 我話之你地互屌定係初則口角繼而動武, 總之你地咪俾外人睇到就得。

    (二) 又有人會講:「有咩唔可以公開講, 我地行得正企得正, 係有d人心地唔好丫嘛!」

    (a) 你地呢種公開地, 片面地(因為冇具體事實列出) 嘅人格上嘅互相指責, 已經影響我呢個支持者對阿達, 對人力嘅信心; 呢個係連共產黨都做唔到嘅事, 你地反而做到左。
    (b) 我作為一個自問忠實嘅支持者都信心動搖, 一d更外圍嘅友好人士, 更會因此卻步。
    (c) 而家公開互屌, 打擊面極闊, 幾乎見者有份, 大家自動對號入座, 加埋d五毛挑撥, 一上頭, 有乜難聽說話講唔出? 我問候完你媽媽, 唔係天真到以為之後可以一笑泯恩仇丫? 「丞相肚內可撐船」, 由古至今, 從先秦到清朝, 中國得342個丞想咋! 呢個世界好多人嘅心胸都係美點雙輝黎架咋! 本來嘅友好同道, 無端端罵戰搞到反面, 為左乜丫?

    作為領袖, 阿達冇叫停罵戰, 我好失望, 因為咁樣變相係縱容; 同樣, Erica 響 Facebook 嘅回應我直頭覺得呢班人係short撚左。而家係咪攞左十幾萬票就覺得好巴閉? 就可以有本錢「快意恩仇」? 係咪覺得自己付出左好多, 所以有資格去「快意恩仇」? 我都唔撚想講咩大局, 因為每個人嘅「大局」可能根本唔一樣。我只係想講, 而家唔係小朋友玩家家酒, 大家出黎係想改變香港嘅政治格局, 反對派本身已經舉步維艱, 你地因為委屈, 要「快意恩仇」, 咁有冇顧慮下我呢停支持者嘅感受? 我冇錯係冇出黎幫手, 但都押上人格去拉票, 你地咁搞叫我情何以堪?

    (三) 最後有人會講:「你唔明」

    唔係講笑, 我當初真係覺得阿達係想改變世界(至少香港啦), 亦為佢呢份氣魄而折倒。其後我亦見証住佢以獨特亦又富創意嘅方式一步步地去實踐, 所以我覺得阿達嘅團隊除左係一班有熱血嘅人之外, 更係一班有氣魄嘅人。但自從呢單野一出, 我開始懷疑自己係咪諗多左? 一班人立志要改變香港的話, 點解會出現呢d「攻破城池, 屠城三日」嘅情境? 點解會有一班人嗷嗷大叫:「捉晒d人網撚出黎!」當中係咪有d戰略目的? 我唔明。完全唔撚明。作為一個普通支持者, 我到底要明幾多野先可以支持? 係咪要有個入學試, 考完確定明晒先可以支持?
    香港就係D不明就裡, 又關莫不關心, 又保守嘅人佔大多數, 你要改變香港就要爭取呢D人嘅支持, 所以唔好同我講「你唔明」, 你一講只顯得你冇氣魄。我地唔明永遠係你嘅責任, 唔係我呢D受眾嘅責任。
    仲有, 你出去街度問下人, 睇下有幾多個人知道「人民力量」唔係一個政黨。我諗九成都唔知道! 連一個咁基本嘅訊息, 市民都吸收唔到嘅時候, 你叫佢明呢d野? 人地只會「明」你地內訌, 就係咁簡單。

    毓民應該開個「政治bb班」俾一眾首腦/巨頭上下, 上撚完先好出黎搞政治。如果唔係搞多兩搞人心散晒, 好快玩撚完。

    好心痛, 唔識再講。

    1. 其實黃洋達由始至今都冇做過有損人民力量既事, 反而仲有好多合作, 以前係, 將來都會, 黃洋達係內部一早叫左熱血公民收聲 (不過冇好似gor句說話咁俾人cap出黎之嘛), 但其他唔係內部既支持者邊控制得到? 而Erica有冇叫佢地手足收聲我就唔知. 如果你有懷疑既, 不如俾多D時間去睇下, 人力又好黃洋達又好, 將來都係唔合格既話, 咁支持者減少會係對佢地既懲罰.

  5. 如果有跟開黃洋達D事,會明佢而家個班底,係網台節目笑死朕儲返黎,同佢做早朝關係唔大。你有無去過第一次笑死朕網聚,如果有的話,我諗你都好明白。圍內人一直明白到皇上同人力果邊係有D野,亦好清楚阿達無入過人力,人網果邊一直唔多妥佢”特立獨行”,不過呢D野,街外人無心理亦唔會理。

  6. 唔係靠人網…….哈哈,你絕對有權自欺欺人。總之,你選舉時我成日聽到有人時時大聲咁講”我係八號人民力量嘅黃洋達”。其實你要離開係有乜所謂,但冇謂做得咁難睇。

    1. 唉, 其實唔係「做得難睇」, 因為gor個cap圖原本只係內部手足既討論, 唔係「做」俾公眾睇既說話, 點會諗到俾D卑鄙小人cap出黎呢? 今次真係7左, 但如果真係要「做」就唔係咁做啦~

  7. 有人說,”由day1開始熱血併入普羅而唔係直接入人力, 已經標示左兩者之間係有條界”,但公開的資料,而且是黃洋達在參選提交給選舉事務處的,就冇得呃
    在九龍東選區侯選人簡介,黃洋達出的只有人民力量 logo
    http://www.elections.gov.hk/legco2012/pdf/introd/LC3_08.pdf

    那些在九龍東投過票的,告訴我,選票上黃洋達名單上的是普羅、熱血公民、還是人民力量?

      1. 其實不明白佢地點解如此執意人民力量4隻字,
        都不明白,果時的的確確係人力選舉陣線的一份子,
        點解不可以叫”我係八號人民力量嘅黃洋達”
        而且最初是人力找他參選定佢找人力幫他參選? 這有著好大分別
        其實佢因為支持毓民而去做呢d野,理由已經好足夠,支不支持人力都沒抵觸-.-
        又要有d人好似師奶甘咩都不知道又要計較呢樣又果樣
        下下呢個義工係人力,個banner人力的,那個人投比人力的
        跟著仲要有人問佢如果當選會點?會不會甘?
        呢d問題佢答左,d人難道會安落d咩?果d本身不認同的人會收貨?
        答左咪又係有d人一隻字一隻字甘分析,跟住繼續嗌落去
        佢地實有理由繼續爭論落去, 什麼自欺欺人,講大話,沒完沒了
        而事實上佢落選了…問果d問題的人都多9餘
        有d人明係推波助瀾食花生,竟然仲有d傻人同佢地傻
        執意人民力量4隻字…正正阻礙真正人民力量壯大
        要團結? 建制就真的利害,有幾何見佢地內訌??

  8. 看完全文及留言,越來越覺得精神病院太不小心,讓一堆病人跑出來。

    首先人力不等同毓民,如果毓民就是人力人力就是毓民,那是民主的倒車,是白色恐怕政黨。支持毓民即是支持人力,這是說不通。你可以支持喬幫主,但不賣帳Apple,因為兩者沒有絕對關係。如果支持毓民即是支持人力,那樣萬一毓民升天人力豈非散架?不可能,人歸人團歸團,縱然人力是毓民創立,但人力不是毓民,生而不有為而不恃,即是此因。

    其次是不支持人力,卻掛人力的名字,用人力的資源參選,選後立即反口不支持人力,這是不仁不義之舉。有人說只要是熱血公民早知皇上與人力不和,但其他人呢?在選舉傳單有沒有寫明?參選時有沒有向有關方面申報?不要用「大家都知」來掩護,你的「大家」不代表全部九龍東選民。當然選民有眼無珠不識無間道是自己看人功力不好,收風不濟,但參選者沒有公言明說,有意秘藏,同樣有問題。事無不可對人言,皇上我知佢好多陰質野賤格野,所以絕對不投他,可是其他人卻不知道。要知道支持他的三萬多票中,不可能全是熱血公民,也有是為人力者,也有為拉謝偉俊下馬者……不一而足。如今隱瞞政治取向,與欺騙選民無異。既然不支持人力,便應光明正大用「熱血公民」參選。如果有人堅持護主,OK。那麼下次我參選立法會,掛民建聯之名出陣,用中共配票機器當選,之後反口說只支持譚耀宗不支持民建聯;又或掛人力之名出選,佔盡便宜當選後立即反臉無情跳去親CY,表明「支持毓民但不支持人力」。如果你們對以上行為都認同,那就繼續撐皇上吧。

    現在不是要求你「一日人力一世人力」,但政治上再牆頭草都要有原則。劉江華被人小爆,就是前一天支持後一天反對,掛羊頭賣狗肉出賣支持他的人。如果姓黃的不是掛人力之名,不用人力一分錢參選,當然沒問題。他最大的問題,就是將為政最重要的「誠信」視為無物。如此反臉,比美中共前蜜言後腹劍。女人如斯為碧曲,男人這般為契弟。衝口而出真心話,事後補救搵鬼聽。真是有種就反到底,事後出個聲明仍然左掩右遮不夠坦白,證明此子人品有限。

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s