[文化研究] 濕濕的 hot culture

在下心繫本地教會生態,早聞高皓正、何基佑等搞了個 Hot Culture 的機構,要把基督教變潮變型,後來,他們成立 Acts Church,建立新型教會。教會一筆,在下沒有掌握足夠資料,不談。 Hot culture 有自家 Facebook 專頁,有內容可研究,那我就不客氣了。

Hot culture Facebook 專頁內有圖、有片,全都入時、亮麗,耶穌被塑造成一個超級英雄一樣,同時也是個和曖可親的 buddy。專頁目的,大概就是要建立耶穌「很 cool」的形象。圖片、影片是載具,用以傳遞訊息,所以無論是構圖、內容、設計元素、文化參考(cultural reference)都有意思,有些是表面,很容易見的,例如是文字訊息,但有些信息,則隱藏在設計之內,可能連設計者也沒有察覺,是潛意識作怪,暗中把他們內心所信表達出來。以下,筆者就選幾張 hot culture 近日貼圖,抽絲剝繭,了解背後的意識形態。

291830_472730316099142_1588088172_n

第一幅,《耶穌出波,完勝撒旦》。先看一看圖中的符號,一位赤腳長髮男子—-Jesus,打出波動拳,KO了滿身通紅的、赤裸的魔鬼撒旦。圖中Jesus未曾受傷,時間顯示為 77,分數也是 777777,好很多個7。左上有 Eph 4:27,即聖經以弗所書四章 27節。「…也不可給魔鬼留地步。」內容相當明白,就是耶穌把撒旦打殘,一點地步也不留。值得留意的是,耶穌的手腳皆沒有釘痕,即設計者可能想帶出兩個意思:一,耶穌在釘十架前已完勝了撒旦;二,耶穌完勝撒旦,不用上十架。無論如何,兩者皆錯。耶穌得著天上地下所有權柄,是十架的死和復活。用二元對立的格鬥來表達信仰,好像沒有聖經根據。此圖表達一種二元對立的局面,耶穌和撒旦的對局的平等的。sorry,這並不對。神魔二元對立,不是基督教的觀念哦。基督教的觀念,神是超然於魔鬼的,魔鬼頂多和天使打。

561756_470563589649148_1761326093_n

知唔知呢張係咩? kit kat 上有耶穌聖容呀~!咁又可以哈利路亞一番了!他們應該沒見過**這張圖**吧?咁點先?這條吃了一半的 kit kat 還吃不吃?要不要當聖物般恭奉?

561475_475548992483941_991363834_n

大部份人的心臟是偏左的,這是常識。另外,除了肺癌,我沒有其他聯想,他想表達「耶穌肺」?

261464_477993718906135_739379253_n

啜耶穌個頭?仲要愈啜愈細粒。呢D係咩神學?你睇下,個bb好似撞邪咁勒。

63178_470562029649304_1819971742_n

幸好在下有點神學根底,我還大概看得懂上圖。圖上方的餅和魚寫著 3,意義不明,既不是五餅二魚,又不是 3 蚊一條,很糾結。圖下有個人好像行在水上?是彼得?還是耶穌?中間更看不明,有隻手申向三個坐巴士的人?佢想唱散紙呀?又午似係登山寶訓,咩都唔似。圖偏右那個又係神奇,洗手?邊個洗?耶穌金盆洗手?點解有現代水龍頭既?最後十架看得明,但,復活呢?想用一幅圖講福音,得,無問題,但要講得中先得咖。創作者選的事件,九唔搭八,點講呀?

552239_464585716913602_1754668347_n

恕在下思想污穢,黏黏糊糊的液體,再加上’hot’ 字,其實真係好有咸網 logo feel。

543035_470561419649365_452461084_n

9690_474752232563617_1351006300_n

532110_474398199265687_775517295_n

他們實在很喜歡戰鬥,一連三張都用和戰鬥有關的聯想,來掃描耶穌。而且,他們心中的耶穌是一個 super hero 式人物。這反映他們一干人對信仰的演繹狹窄和偏頗。人對耶穌的形象,歷世歷代有不同的投射,他們眼中耶穌一向是好好先生的形象,但他們不甘於此,就反過來用 super hero 形象,這明顯只是一個很膚淺的理解。把耶穌塑造得好勁,其實反映他們內心對耶穌的不信,他們不信一個受苦的神的 power,他們認為他們的神要正面,要威風,要型,要不敗,這是對耶穌的大誤解。所謂神的軟弱比人的剛強更強,真正信仰基督,認識基督的人,不會避開他的死亡和苦難。

46428_475547925817381_2129006639_n

最後一張,耶穌扮阿 Rose~之後仲可能有耶穌車震添喎。我唔分析啦。

總觀他們的創作, gimmick 有餘,深度嚴重不足,更有導人迷信之嫌,把身邊事物隨手拿來,套一個耶穌形象,就可以穿鑿附會一番,耶穌變型了嗎?這些所謂創作讓人認識了一個怎樣的耶穌基督?在傳一個怎樣的福音?若想所傳之福音言之有物,不能單靠亮麗的畫面,更不能肉麻當有趣。經過深度思考信仰才製作,才不致有辱門楣。所以,在下才苦口婆心勸你,要麼好好讀經,要麼快快收皮。

Advertisements

19 thoughts on “[文化研究] 濕濕的 hot culture

  1. 我係唔明有咩需要係雞蛋裡面挑骨頭姐
    人地出發點咁好 就咁比你逐一挑出”嘩,,咩_野黎架””講緊乜_樣””九唔_搭八”
    起碼有第2個方向比我認識耶穌 我覺得幾得意呀 有冇必要樣樣野做到good design
    D人唔行出第1步 唔望下 唔睇下 會無啦啦自動自覺行入教會? 下?

    1. 不是雞蛋裡挑骨頭,是一粒腦鼠屎跌落一窩粥。

      出發點好,不等如結果好。

      你喜歡他們,是你個人品味。

      我針對的不是手法,是其拙劣的內容和意識形態。

      要好睇吸引,點解唔畫耶穌係裸女?唔望下 唔睇下 會無啦啦自動自覺行入教會? 下?

      你分辨不導他們的問題,不等如無問題。我指出了問題,你還是覺得無問題。

    2. 個人認為佢地根本就將基督教”商品化”
      將佢好似商品錦包裝到好吸引好岩現代人口味
      可能真係會有人比佢地吸引到
      但佢地又可唔可以由佢地呢D所謂DESIGN get到基督教既核心?
      信仰從來都唔係要型要得意 如果只係要求型同得意 錦成個基督教就玩完
      根本依家有唔少教徒連基本既神學根基都冇 對佢地既信仰唔清唔楚
      只係聽牧師講咩就跟住做咩 無Kierkegaard 講個種個人與神既相遇
      傳福音都唔一定要好似sale野錦 反而比人睇到自己既有限性和罪性
      被社會同個人慾望控制之下令得人冇真正自由等等
      反映比人睇依靠神可以得到真正既自由, 平安等
      好過搞埋呢d無聊野

      利申:非基督徒

    3. 唔怪得基督徒的給人沒有腦袋的引像,出發點好就可以作為傳假福音的理由?耶證、摩門也有很好的出發點!原來基督徒是壞腦的?我真係頂你唔順!

  2. 把耶穌塑造得好勁,其實反映他們內心對耶穌的不信,他們不信一個受苦的神的 power,他們認為他們的神要正面,要威風,要型,要不敗,這是對耶穌的大誤解。

    一針見血

  3. 其實心臟系系中間既,只不過略系為向左一D姐.心臟系左邊系好多人的misconception.
    我覺得你分析得太過認真啦,本來呢d圖就系用3-5分鐘整出黎比D信徒笑下既,根本吾系用黎表達神學觀念既,將幅圖片分析得咁徹底根本系多此一舉.
    就等于一個小學生隨便哼一段歌仔,隔離個音樂家就慢慢同佢分析,建議佢改下呢個音調,改下個個拍子一樣咁好笑

    1. 我想話, 已經好少人會話俾人聽信耶穌係要預備殉道呢個事實, 再咁多所謂小學雞偶像化嘅型、潮、搞笑、成功神學, 就嚟冇人記得耶穌其實係邊位… 扭曲嘅意識型態就係可以由一點一滴嘅笑圖慢慢造成…

  4. 有人將自己既偶像打扮成不同做型, 喜歡佢就覺好得意, 因為鍾意既係佢個人, 不是佢既形象, 作者本身對基督教有偏見, 又憎惡這些香港藝人既行為, 本身又不是基督徒, 以為做左小小research就好有point, 實在可憐. 基督教是以個人跟上帝耶穌的關係, 筆者跟耶穌沒有關係, 所以見到的盡是自己第三者的「客觀看法」, 實在和真相相差太遠.

    1. 我先幫你加返啲句號分返做一句句先。

      >>有人將自己既偶像打扮成不同做型, 喜歡佢就覺好得意, 因為鍾意既係佢個人, 不是佢既形象。

      呃首先其實係「造型」。
      同埋將自己嘅偶像打扮成不同造型是冇問題的。但係你知耶穌唔係偶像嚟架可?
      鍾意耶穌係鍾意佢個人而唔係自己嘅形象,咁點解又想要將佢打扮成不同造型?

      >>作者本身對基督教有偏見, 又憎惡這些香港藝人既行為, 本身又不是基督徒, 以為做左小小research就好有point, 實在可憐。

      我唔明作者身為一個傳道人可以對基督教有咩偏見,亦唔明唔係基督徒可以點做傳道人。
      同埋做得傳道人係唔可能只做得小小research的。反而你連作者係傳道人都唔知,睇嚟呢一句可以原句反彈返俾你。

      >>基督教是以個人跟上帝耶穌的關係, 筆者跟耶穌沒有關係, 所以見到的盡是自己第三者的「客觀看法」, 實在和真相相差太遠.

      你憑咩判定筆者同耶穌冇關係?原來傳道人係可以同耶穌冇關係?咁我又係第一次見喎。咩叫第三者嘅「客觀看法」?又,難道客觀嘅看法係唔好嘅?客觀嘅看法又點解會同真相相差太遠?同真相相差太遠嘅唔係應該係主觀看法咩?

    2. 「覺得好得意就將耶穌打扮成不同造型」,只是把你的意思加諸在耶穌身上。高皓正之流從來就沒有好好去研讀聖經,而是採取一種消費態度,從聖經斷章取義,不停自我禪釋,以滿足一己私慾。回去讀讀創世紀,亞當夏娃之原罪,並非無聽神的話,而是以為吃過善惡果子,便可如神般稱善道惡。從聖經予取予求,從來不是基督徒應有的態度。

      此外,陳到乃基督徒。我也是基督徒,這裡很多人都是基督徒。高皓正之流連政教分離都不懂,我倒懷疑他是… 天主教徒?!

    3. 引你一篇文。
      "有人將自己既偶像打扮成不同做型, 喜歡佢就覺好得意, 因為鍾意既係佢個人, 不是佢既形象,"

      基督教係唔俾拜偶像的。

      "作者本身對基督教有偏見, 又憎惡這些香港藝人既行為, 本身又不是基督徒, 以為做左小小research就好有point, 實在可憐."

      典型謬誤的其中一樣,係人身攻擊謬誤;而我睇到的事實係:你做緊呢樣野,而且因為咁你話哂俾大家知,你係無料扮四條。

      連作者係基督教傳道人都唔知,就去論斷他人身份,如果你係基督徒的話,你先係令基督教蒙羞的人。

      你的言論,簡直同無賴無異,我勸你最好慎言。

    4. 首先, 其實我真係唔係好明你寫緊乜, 句子唔通順都算, 但係你憑咩去定義話「基督教是以個人跟上帝耶穌的關係」? 呢個就係信耶穌嘅全部? 咁你點理解同回應聖經教導我哋要做世上嘅鹽同埋光?
      或者你真心覺得高生好潮好型, 但耶穌從來都係唔潮唔型, 唔型得嚟仲非常卑微, 卑微得嚟又一尐都唔奴才。如果你信嘅係耶穌, 應該去睇番耶穌在世所行喺當時幾咁離經叛道, 幾咁乞人憎。呢尐 「客觀看法」真係同你所講嘅真相相差好遠架~
      最後, 耶穌從來唔係巴力, 耶穌唔係基督徒嘅「偶像」嚟, 佢係實力派, 神級, 係「神」, 信徒亦都唔係粉絲。OK?

    5. “有人將自己既偶像打扮成不同做型, 喜歡佢就覺好得意, 因為鍾意既係佢個人, 不是佢既形象” –> 第一,當耶穌係偶像,這種想法本身已經很有問題,上面已有人回應,不贅。第二,如果真的當耶穌是偶像,很喜歡祂、很崇拜祂,那麼請用一個你「偶像」給你的方法——讀聖經,去理解祂。祂的確有很多形象、很豐富,但絕對不是以上那些膚淺、低俗的形象。

      “作者本身對基督教有偏見, 又憎惡這些香港藝人既行為, 本身又不是基督徒, 以為做左小小research就好有point, 實在可憐. ” –>不知你從何看出作者對基督教有偏見,請詳細說明之。又從何得知作者非基督徒。就算作者真的不是基督徒,難道他說的就一定沒有道理? 這是什麼邏輯?

      “基督教是以個人跟上帝耶穌的關係, 筆者跟耶穌沒有關係, 所以見到的盡是自己第三者的「客觀看法」, 實在和真相相差太遠.” –> 是不是耶穌告訴你祂與作者沒有關係? 根據你的邏輯,那麼所有基督徒信耶穌前又與耶穌有什麼關係? 耶穌為什麼要死? 另外,你說作者的看法和「真相」相差太遠,我倒十分渴望知道你所說的所謂「真相」是什麼,請賜教。

  5. 即係咁,我覺得一個人冇幽默感係好可憐的。我不反對把信仰與graphic、pop culture remix, 但做這些事係需要好小心的。高手同低手的分別就係,高手能用設計把信仰的精意表達出來,低手就是硬把信仰內容扭曲以遷就自己的設計。做得這類設計,就預咗會俾人批評,批評就預咗要改。邊個叫佢講到個理念咁偉大先。

  6. 淨係變型俠醫嗰張己經夠掂: 張圖嘅畫功, 點睇都係佢哋啲人自創嘅。
    其實都唔只高教主嘞, 好多時都喺唔同基督徒分享中見到呢類打飛機自high嘅玩意…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s