信左主,係咪就乜都得?

話說有一次,和一些學生信徒談到社會運動。可能是出自同一學府吧,他們說話的 tone 也差不多,十幾廿歲人,就竟然擺出一副官腔,說「際遇差,不要老是怪制度,自己都有責任」。再聽下去,更令在下火起。學生說「人不能老是希望改變環境,最重要是改變心態」之後,就是主菜:「一個窮人信左耶穌,就可以改變佢內心,而不需要改變環境」。聽完,我嬲到即係同左兩個人呻。

其實,如果只係睇「改變內心,而不需要改變環境」呢一種信念,係無問題的。一個人如果真係貫徹始終地只求內心的轉變,而不求改變環境,那甚至是可堪敬佩的修為。但我必須強調,這個信念只能求諸己,而不能強加在別人身上。而現實是甚麼呢?現實是,基督徒一隻手求上帝呢樣果樣,一隻手叫人「改變內心,而不需要改變環境」。這就是心口不一,雙重標準。我要求的很簡單,不是要基督徒高高在上,而是誠實,盡可能一致。

退後一步想,這種「改變內心,而不需要改變環境」的信念,綑綁著很多信念,例如是「申冤在我,我必報應」,即叫人不要去尋仇,引申出不要去投訴的思維。另一個思維,是「凡事包容、忍耐」,因為凡事皆可包容,則不用改變環境了。而這也極有可能綑綁著「順服掌權者」思維,是一種洗腦術,叫你聽上頭指令,有違心者,不是懷疑,而是「改變內心,而不需要改變環境(領導)」。結果,就是製造了一批一批不反省,只認上頭不認真理的盲毛。而且,這套思想會傳染,一個叫另一個人不要想改變環境。

這種退縮、被動、等運到的耶教,唯一有益,就是對傳教本身。在他們的 agenda setting  內,世界改變不了,審判也在神手裡,所以,最重要的是要傳福音。多一個人信主,少一個社會問題,因為窮人,透過禱告,心裡有平安,就不用解決窮的問題。推而廣之,這過世界只要人人信主,就根本不會有任何問題,因為只要信了主,改變心態,就甚麼也可以忍受。

那麼,耶穌為甚麼要醫病、趕鬼?祂為甚麼不跟別人說「改變內心吧~朋友,All is Well~~All is Well~~」祂為甚麼叫門徒都去醫病、趕鬼?祂叫門徒去叫人「唔駛驚,無事,改變一下心態就好~」咪得囉。d人成日都話「咁耶穌都無對抗過羅馬政權喎」,我就會話「梗係,耶穌諗住對抗所有政權丫嘛。羅馬?得鬼閒理你咩。」耶穌就係來改變世界。有人話,末後的日子,個世界會好敗壞,耶穌會返來,咁我地唔好諗住要改變世界啦。如果歷代基督徒都係咁諗,咁今日肯定仲會有奴隸啦,黑人仲要坐車尾啦,死刑仲大行其道啦。喂,呢個世界係衰,我地都唔係救世主。但我地要改變世界,好單純就係因為正義感咋喎,唔得咩?人同此心,心同此理,你唔想自己受既野,你都唔想其他人受,咪就係咁簡單之嘛。

可惜,「福蔭派」還是活在他們那個「信左主,改變內心,everything is fine」的幻想世界裡,真可憐。

Advertisements

4 thoughts on “信左主,係咪就乜都得?

  1. 改變心態?好聽D叫認命,難聽D叫:社會馴服的餓狗!

    耶穌就係來改變世界?開玩笑吧!世界從來沒有變!

  2. 有人叫人眼目單看耶穌, 得着更多基督, 其他事就不重要了… 又有人話遊行等等的行為, 係屬世的方法, 唔屬神。我真係想問, 咁咩先係屬神? 遇見不公要忍耐, 等神出手?! 咁見到排隊打尖, 係唔係都要忍, 包容下人地?

    真係好怕e d好似好屬靈的教導, 玩我左好多年呢…

  3. 我看你不過是庸俗之人,那位學生才是脫俗的人啊。改變內心的話,環境或會隨之而改變,只要你夠信心。你說這種信念只能求諸己,而不能強加在別人身上。那你為什麼不能求諸己呢?

  4. 我都係基督徒,但從未有咁消極咁唸野,一少絀基督徒既毛病唔可以代表d乜。其實我個圈子裡都冇d「話遊行等等的行為, 係屬世的方法, 唔屬神。」、「遇見不公要忍耐, 等神出手」既事。不過的確試過聽d唔識既人亂用聖經既經文教人唔好搞政治。但聖經既意思係叫人assist掌權者,盡力幫,如果真係唔得就要改,而唔係袖手旁觀。

    就好似耶穌自己就係當時以色列既少數抗命份子。佢反當時羅馬政府,但都唔支持法利賽、奮銳黨,自己同門徒堅持行聖經既道。耶穌都冇默默收聲,相反四周講道,係當時政府唔鐘意既行為,但原意就係為左所有百姓,為左社會公義。

    我自己就好少見「一個窮人信左耶穌,就可以改變佢內心,而不需要改變環境」既情況。至少基督教冇教過人唔自力更生,係真基督徒就應該會盡自己所能、如聖經所講「忠心」對待每一件事。如果盡左力都係窮,就真係要審視自己,而唔係歸咎於「改變內心,就不需要改變環境」呢種負面消極想法。

    如果一竹竿打晒一船人既話,幾多基督徒都幾無辜姐…….

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s