評「耶穌愛香港,教會大巡遊」

1622692_10153784958260541_595225294_n

話說,今日(初三)有一個叫「耶穌愛香港,教會大巡遊」的活動,以下是一些當時的圖片。先睇一睇圖,掌握一個大概。

1779698_658602467529113_1959306737_n 1150151_658602567529103_244860953_n 1546168_658602510862442_834427164_n 1014061_658602514195775_1779143472_n

據上圖,聚會的目的是「教會團聚、迎向復興、祝福香港」,為了教會團聚而霸一條彌敦道,實在是太有霸氣。我很懷疑他們是否用「教會團聚」來向警方申請遊行。anyway,唔緊要,我絕對捍衛他們遊行的權利,和表達的自由。

基督徒為信仰走出來遊行,絕對無問題,而且應該鼓勵,但係我地要問既係,究竟佢地既信仰內容係咩?背後既一套價值係咩先?拿,為左了解佢地背後既理據,你地睇下段 youtube 先。

拿,咩正能量呀,為主走出來呀,算啦,我唔太 picky 喇,由佢啦,但係,個牧師用聖經用得好錯喎。佢 make 左兩個舊約的 reference ,第一是「亞伯拉罕離開吾耳」,第二係「圍耶利哥」。佢用呢兩個「行走」的 references 來類比巡行,是超錯的啦。嗱,亞伯拉罕離開吾耳係「移民」喎,你又唔係叫人移民;圍耶利哥仲大劑!呢個行動結果係消滅左耶利哥城,全城死哂架喎。佢用呢兩個舊約故事,都唔係「巡行」,呢個錯誤太離譜了。

亂用聖經來支持自己的行動,已經相當唔要得。而且,用「巡行」來祝福香港,根本一點根據也沒有。新、舊約都有明確指示要我們成為多人的祝福,但係其實所謂祝福別人是很具體、實際的,餵飽饑餓、老有所養、孤寡有依、公平公正,呢d先係祝福,而唔係行上街叫呀。點解唔拿 book 巴士的錢買飯盒?動員d man power 去幫人抹屋?大把野應該做你唔做,赤口叫人上街叫口號。這是對城市的祝福?我看,這是一些無關痛癢的面子工程罷了。

有人說,他們做 show,像在十字路口禱告的法利賽人。我認為這指控中了一半。上文說,基督徒為信仰走出來遊行,絕對無問題,而且應該鼓勵,但不是為了這類工程。基督徒出來遊行,就應該是為弱勢出聲。可是,一般的遊行,卻只有很少教會以教會的名義走出來。為甚麼會這樣顛倒?講到問題的癥結,就是對福音的理解出現問題。

我大膽講,絕大部份人的福音,都是「幸福音」。幸福音產生對福音理解的偏差,忽略社會公義、忽略結構性的問題,以為所有問題的根源是「人未信主」,而他們的 agenda setting 自然就是傳福音傳福音傳福音。按他們對福音的理解,只要人信了主,就會得著祝福,問題迎刃而解,即或問題不能解決,也能藉信仰的力量克勝劣境。我告訴你,這樣的信仰是盲目的、是涼薄的。

信徒要解決的問題,除了「人未信主」,還有很多的!社會上有需要照顧的人,制度有不公平的地方,有吃人的禮教。基督徒應該作時代的先聲,指出些結構性的問題,推動去解決這些問題,而不是一味叫人信主然後就以為問題會消失。

Last word!

有人會幫佢地 defend,話「佢地都係好心想祝福香港嗟,你咪鬧人啦」。唔係!好心,應該用係好地方,而唔係用來做 show!明唔明呀?

Advertisements

22 thoughts on “評「耶穌愛香港,教會大巡遊」

  1. 首先,我是非教徒。但自小受基督教薰陶,幼稚園至小學於基督教學校讀書。16-7 後歲便停止去過教會,教會有很好的人,也有很虛偽的人,部分人利用一些善良人去達到自己目的,看著令我覺得很不舒服。耶教標榜信望愛,最主要的還是愛 ! 愛,我覺得不是用口空談,是付出 !默默的付出, 耶穌展示在我們眼前是祂付出愛心的行為,作為教化世人的楷模。可惜如今很多教會落入歪徒股掌,他們不是播放愛的種子,反之利用教眾的信賴,貪婪地收割他們的愛,用作自我立足的本錢! 這也是耶穌基督始料不及的事。

  2. 我想起這段經文
    可14:4
    有幾個人心中很不喜悅、說、何用這樣枉費香膏呢。
    5
    這香膏可以賣三十多兩銀子賙濟窮人,他們就向那女人生氣。
    6
    耶穌說、由他罷,為甚麼難為他呢,他在我身上作的是一件美事。
    7
    因為常有窮人和你們同在、要向他們行善、隨時都可以,只是你們不常有我。

      1. 其實我都有諗起尼段
        不過尼段可能係特事特辦
        同以下可能一樣特事特辦

        他們說:「約翰的門徒屢次禁食祈禱,法利賽人的門徒也是這樣;惟獨你的門徒又吃又喝。」耶穌對他們說:「新郎和陪伴之人同在的時候,豈能叫陪伴之人禁食呢? 但日子將到,新郎要離開他們,那日他們就要禁食了。」

    1. 那不是耶穌快要受綁之前嗎?人都快死了,花那香膏錢是要記念他,你意思是這個巡遊的錢是因為香港快死了要記念她?讀熟一點聖經吧
      (利申:基督教學校出身的非教徒)

  3. 可14:8 「他是為我安葬的事把香膏預先澆在我身上。」
    果個女人打爛真哪噠香膏,係因為耶穌就黎要死呀。
    你而家係唔係要耶穌死多次?如果唔係做乜引呢段經文?請唔好亂引經文。

  4. 「撒旦退我後邊去罷;你是絆我腳的;因為你不體貼神的意思,只體貼人的意思」

    我是基督徒 ,我覺得你地一面倒的批評對佢地黎講,未免太唔公平。

    1. 即使佢地真係喜歡用咁樣既方式黎來祝福香港,又如何?? 這並不代表佢地未曾用過一D很具體、實際的,餵飽饑餓、老有所養、孤寡有依、公平公正既方式黎祝福別人.

    2. 我相信大家都應該試過在街頭買旗,捐款做善事或做義工吧! 如果這只是一場SHOW 的話,咁你同我同佢地同全世界有咩分別??都是一些無關痛癢的面子工程罷了! 否則大家點解買旗後要將旗貼係衫度,俾人知道你買左旗? 點解捐款或做義工唔用匿名呀?

    3. 其實,我很認同筆者所講,基督徒應該做既事還有好多,包括作時代的先聲,指出些結構性的問題,推動去解決這些問題等等。然而,這並不代表基督徒沒有走出去遊行等等就是佢地既錯,只是人人選擇既表達方式 OR 貢獻範疇唔同,正如要拯救地球亦唔代表人人都要化身做超人姐。

    4. 講到社會公義、結構性的問題OR弱勢等等問題,或許更值得我地深思既係,點解會有社會不公義? 點解社會結構問題&弱勢會出現? 講到尾 , 呢D 種種問題咪又係人類歷史所發展出來既,而呢D問題之所以能夠得以發展,其根源就是「人」的問題。正所謂「人心不足,蛇吞象」,若不是人的罪性,工人會遭到老板剝削嗎? 地產商會瘋狂加租賺錢嗎? HKTV會因權力鬥爭而拎唔到牌嗎? Etc, 你連個need-assessment 都未做好, 憑咩講problem-solving.

    5. 事實上,基督教傳福音亦並非如你所講,只重於「人信左主未」,我地也未曾天真到認為人「信」左主就萬事解決,我地所看重既係人既生命既轉化, 正如聖經所記載既收稅佬故事一樣。事實上,社會既進步or退步都是由人既意念改變而成,若非人既心思意念有一個正向既改變,即使社會結構or制度改變,人一樣可以從中做腐敗既事,不公義&弱勢等等問題同樣會出現。

    當然,我亦都好認同事實上的確有好多「基督徒」係未能做好既見證,佢地既反而係令人覺得反感, 我亦自問唔係一個好既基督徒,但你地一支竹竿打沉成條船既人,唔得囉!

    1. 1:show me some proof of their real work of helping the needy. or ur argument is weak.

      2: buying flag is a mean to support an organisation by small amount donation, it’s different from parade.

      3: again, evidence.

      4: If u consider sinful nature as the root of the problem, i agree, but preaching gospel demand a person’s will choice, but changing some unfair policies is effective to change the system.

      5: I dont know what kind of Christian you are, but as I observe, many Christian do think that way, believing that conversion is solving the most important problem.

      6: if Christians cannot face the deep problem of Christianity nowaday but blaming others of misunderstand them, 唔得囉!

      1. 1-3.我諗julie既意思係問「如果你冇證據證明佢地係只有外在、冇實際既話,你唔應該任意批評佢地」所以重點係「你去搵方法證明佢地冇實際行動」,而唔係「julie去證明佢地有實際行動」,否則你就係「武斷」

        4-6.其實講真我真係非常欣賞弟兄姊妹願意為社會公義而行出來發聲、甚至嘗試去改變社會制度。不過我都要指出,好多弟兄姊妹將「改變制度」睇得過分重要,甚至忽視背後既精意,其實係想藉此讓更多人「體會主既愛」,以致「悔改重生」。
        其實大家既目標都係要宣揚十字架既愛,有人選擇「遊行」,有人選擇「改變社會利度」,有人「直接傳福音」,仲有「關懷弱小」,「門徒訓練」,「向高官傳福音」,甚至有人只係專注「祈禱」。而當年耶穌亦都冇做齊唒所有野,佢冇選擇「推翻羅馬政權」,亦冇「巡遊示威」,佢著重係「門訓、祈禱、關懷弱小同傳福音」。問題係,佢話「不敵擋你們的,就是幫助我們的。」可9:40。陳傳道會唔會都考慮下用較溫和既方式去包容弟兄姊妹表達對主耶穌既愛既方式,只非要求所有人都只用同一種方法?畢竟主既能力浩大難測,你唔能夠話絕對唔會有人「因為見到佢地巡遊既果份團結而對耶穌產生好感,甚至後來會決志信主」。係咪?

  5. 建議你唔好斷章取義同去睇聖經, 以及客觀d睇件事

    首先, 亞伯拉罕同約書亞的例子是要人為神”行走”, 而呢個行走是象徵為神有信心的行動, 重點不是2個故事分別行走的目的是甚麼, 而是信服神的心志, 你估當時打緊仗無啦啦要你圍住個城日日行d士兵唔覺好傻仔咩? 亞伯拉罕o係吾珥好食好住你估佢話走就走?

    二, 改變人心先可以改變社會, 而傳福音亦是神俾使徒的使命, 其實好多人就算係非基督徒都見到社會不公啦, 係咪見到=即刻改變到現況? 唯有向世人傳揚愛, 一點一點累積, 長久落去社會先有望改變, 何必要為這一小點都去寫段post去百踩呢? 人地會做一件認為對社會好的事, 請問你花相當的時間去寫呢個post又有甚麼益處?

    p.s.不坊去查下香港的社福機構, 相信好大比例是基督教團體, 點樣話佢地無為社會做過其他野?

  6. thanks for the article. While agreeing that quite a few Christians might be missing to practice the mandate of maintaining social justice and showing compassion to this world, for this particular event, it looks like it is closer to a prayer-walk? and it seems that the ministerial focus of the main organizer of this event (sunrise ministry) is on 1. prayer and 2. healing.. they might not exactly be the stereotyped-幸福音-Christians… (just my little observation to share)…don’t get me wrong.. I am frequently heart-broken by the indifference shown by Christians (myself included) to the very tangible needs of this world 😦 ….

  7. 提摩太後書 2:21-26

    人若自潔,脫離卑賤的事,就必作貴重的器皿,成為聖潔,合乎主用,預備行各樣的善事。 你要逃避少年的私慾,同那清心禱告主的人追求公義、信德、仁愛、和平。 惟有那愚拙無學問的辯論,總要棄絕,因為知道這等事是起爭競的。 然而主的僕人不可爭競,只要溫溫和和地待眾人,善於教導,存心忍耐, 用溫柔勸戒那抵擋的人;或者上帝給他們悔改的心,可以明白真道, 叫他們這已經被魔鬼任意擄去的,可以醒悟,脫離他的網羅。

    1. 我看見有九個合辦的基督教機構,一共是十個團體,十個頭牧,十班信徒,有一千人遊行支持是次巡遊,你一個人在這裡作出沒有根據(沒有真的認知)(推估)的言論,sorry 我會選擇相信站出來的一千人。

  8. 詩篇 55:12
    原來不是仇敵辱罵我.若是仇敵、還可忍耐.也不是恨我的人向我狂大.若是恨我的人、就必躲避他。

    詩篇 55:13
    不料是你、你原與我平等、是我的同伴、是我知己的朋友。

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s