識破屬靈虛詞——自謙

基督教界,一直都奉謙卑為美德。然而,謙卑絕對是可以扮的,而且也不難扮。很多教內朋友,三句唔埋就稱自己「好軟弱」、「很不配」、「是罪魁」,但往往卻有欠具體。不具體地自謙,其實只是一些語言上的姿態。可憐的是,教內人很濫用這些說話,主要不是用來騙人,而是騙自己,以否定來肯定。

看官,你要明白,基督徒承認自己是罪人,是一點也不難的,這是我們信仰的基本。所以,上述那些「好軟弱」、「很不配」、「是罪魁」經常充斥基督徒的嘴巴,似乎是愈講愈屬靈。但是,我認為很多時這些人講這些話,不是真心 mean it,而是一些套語,用來製造印象,製造自己很謙卑的印象。除了套語之外,他們也常向人說他受很多試探,以示自己都係正常人一個。他們的句式,通常是「其實呢,我都有 _ _ _ 既試探架~」(_ _ _ 可以係任何基督徒*覺得*係罪既野,例如係衝紅燈、衝紅燈、打飛機、講粗口、睇女仔、扯飛煙……)這樣的語言效果,正正不是讓人覺得他是罪人,相反,他傳遞出「有試探,但我無犯罪」的信息,叫聽者覺得他「不是罪人」。這種現象也在禱告生活蔓延,他們用上述的套語,大包圍地說自己是罪人呀、甚至係罪魁呀咁,有時會多少少 detail,例如係「主呀,我愛你實在唔夠呀」。如果是開聲公禱,效果就是讓別人覺得你在禱告中認罪了。

問題在哪?問題是,不具體的認罪,其實不是認罪,說得盡一點,只係扮野。而當一個人真實地承認自己的罪,係會具體講出罪名,例如承認自己真係會鬧屋企人、真係詛咒過同事 Mary、真係視姦過個女導師。咁先叫坦然承認自己犯既罪。相反,有d人認罪會認得好 vague,例如話「我承認我有性方面既問題」,呢d咪唔具體囉。咩叫「有性方面既問題」嗟?不舉呀?定太快呀?睇咸帶咪睇咸帶囉。(sorry,我真係聽過有牧者講「睇咸帶」呢個咁中世紀既 term)如果真係要公開認罪,就唔好咁 vague 丫嘛。

咁我係話所有人都要搞公開認罪咁坦蕩蕩呢?唔係。我只想帶出,好多時d屬靈領袖懶係謙卑咁話自己都係罪人,其實只係客套話,不但唔係真係想認罪,反而只係製造一種謙卑的印象。又有好多時,聽到d人走上台,一開口就話自己「我很不配」。不配你咪走番落黎囉,一面說自己不配,但係又滔滔不絕咁講十幾二十分鐘,幾咁虛偽呢。喂,真謙卑唔係擺個 gesture 出來就得架嘛。

耶教有咁既領袖,就自然有咁既信徒,成班人假鬥假,真係好有中國特式。如果你發覺你的牧者、導師有以上問題,下次他自謙的時候,你不妨追問一下:「喂,牧師,你究竟有咩軟?有咩弱呀?講實d丫唔該。」咁,睇下佢點答。自謙係一種 spinning,真正謙卑的人,係唔會講埋呢d客套話的,要認罪就直認,問心無愧。

Advertisements

2 thoughts on “識破屬靈虛詞——自謙

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s