關於失業,我想說的是……

以下有三不做:一不透露細節、二不怨天尤人、三不販賣同情,以下是一個頗為熱血和正能量的故事,不喜者請回,但我要先多謝你 click 了入來。

話說,兩日前,聖灰日,我和老闆達成協議,我的全時間工作,將於本月(三月)底結束,此為「前無去路」。而*親愛的出版社*亦致電*溫馨提示*在下要即日找尾數,兩萬,此乃「後有追兵」。兩者夾攻之下,我完全無餘暇傷心,第一時間要找出路。說的也巧,同日,就是熱血時報公報「主持育成計劃」的日子,我由義務主持,變為一個自籌薪金主持。

有人會質疑,黃洋達有無搞錯呀,唔出人工俾你地,叫你地自籌。wait a minute,你要明白,在這個計劃之前,我們都是義務的,此乃其一。其二,育成計劃的好處是,我不是「打黃洋達工」,我是打聽眾工,由聽眾每一個人獨立決定支持或不支持我。計劃開始,我在想,這會不會構成主持們互相「搶客」?起初我以為會,但現在立竿見影的效果是主持們會互相幫助,一齊「做大個台」。情況好比《武道狂之詩》中的武當派,武當弟子偶有互相比併,但整體來說,他們主要的能量,是向外打響武當的名堂。在此,在下必須多謝大家支持,你們的支持,令黃洋達驚訝。

但係,做主持暫時都唔夠我生活架。咁點算先?

既然教會唔請我做,但係大學事工其實好應該做,更加好適合由我做,所以我想大家奉獻支持我做。而既然我咁呼籲,我就玩大佢,我正名自己成為一個自由傳道,而我依家解釋一下我會做甚麼,然後你決定我值唔值得你支持。

依家大學團契,係一個好危險既地方。因為,佢地唔係個個有人 guide 住,咁大家由要 run 團契,就焗住拿自己識既野出來分享,咁,你知啦,即係流啦。然後,在一個由不同教會背景組成的團契下,不同的教會文化交差感染,其實會令到同學思想愈變保守,而且流於表面。結論係,佢地好有機會第時會變一個個梁美芬、蘇錦樑咁架。所以,我第一要務,係用透過教導查經方法救佢地。我有把握,如果學生肯學,我會令梁美芬變 Liz Wahl (自己 google),我會幫他們 unlearn 很多有毒的思維。我好想繼續做呢件事,生活費搞得掂,我就可以做。

第二,Rest Lunch。Rest Lunch 雖然細,但它是最有用的。我想將它遍地開花。你要知道,安息對大學生來說真係好有意義,要有人推呢樣野囉。具體計劃下一步(等我今晚帶完查經)再談。

我想講,我被一少撮人的決定否定了我的工作,因為他們控制到資金。而我想試一試咁樣,就係我 accountable to 很多支持者。講住咁多先,具體點做都係留返我夠訓先再講。

Advertisements

6 thoughts on “關於失業,我想說的是……

  1. 「不要為明天憂慮,因為明天自有明天的憂慮;一天的難處一天當就夠了。」

    我都係一個基督徒,一個唔能夠好似你咁樣放膽走出嚟,講真話做正確嘅事,嘅「沒種」基督徒。

    我嘅教會係宣道會,而雖然對於好多自己嘅教會做緊嘅事工,我係無辦法認同,但基於種種原因,我亦沒種去離開自己嘅教會。

    我沒種,但我會好好祈禱問上帝,可否將我自己嘅十一奉獻,由比我自己嘅教會,做一尐我唔太認同嘅事工,轉為比一尐我更認同嘅事工,如你所講嘅大學團契,幫助香港嘅學生們。

    雖然可能微不足道,但我信上帝總有供應;而正直,行善,做正確事情嘅人,最後必定勝利。

    加油!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s