當教會講社關,你唔好咁天真以為佢講緊你講緊果d野

我一直想講,「社關」其實係一個好虛的概念。嗱,咁你會反駁喇「唔係喎,社會關懷丫嘛,好清楚喎,即係教會走出四面牆去接觸呢個世界囉。」你覺唔覺得咁講有咩問題呀?咪就係好虛囉。「接觸呢個世界」為乜呀?點接觸呀?接觸邊一個部份呀?所以,第一,我真係想了解一下究竟教會界係點睇社關的內容究竟係咩。不如我地睇下兩間 Mega Church 既社關部關心咩丫。

恩福

一、 事工源由

恩福堂社關部成立於2008年5月,適逢512四川大地震,之前亦有緬甸水災,南亞海嘯,十月金融海嘯,而身處深水埗亦視為香港最貧窮之區,境內境外均有迫切呼聲。

三、 事工策略

  1. 部門主要教育聖經倫理,統籌民生關懷;
    2. 推動各團契認領社關服侍焦點項目;
    3. 暫時不會直接開辦社會服務,而是與恩福社關理念相同的機構合作。

城浸

本該部為實踐基督大愛,履行「全人關懷」的理想,負責關注會友需要及社會服務的需求,盡量提供適切的幫助,例如協助會友辦理及領取社會援助金,或撥資援助年老貧病會友等。此外,耆年兄姊如有需要申請入住基督教廣蔭老人院或協助辦理殯葬事宜者,該部亦樂意相助。

2014-15年目標及發展

今年度的主題是聖潔生命、守護家庭。

持續發展及進一步優化現有教會推行之社會福利及教育服務。

增強本會會友對社會議題的認識及關注,從而以漸進方式去瞭解基督教信仰對有關議題的立場或取態。

提升社區人士認識教會是社區的一員,並藉彼此的接觸去發揮關懷社區需要的角色。

扶貧、社會服務、民生/全人關懷。大概都係呢d啦,耶教版蛇齋餅粽。恩福無講點回應時事,城浸就話「以漸進方式去瞭解基督教信仰對有關議題的立場或取態」,即係點?咩係漸進方式?即係例如講民主,要由希臘講起呀?我想講既係,有資源既大堂會,佢地既社關都主要著力喺蛇齋餅粽,我無話咁唔啱喎,呢d野,有資源做一定對個社會好架。不過……

香港既問題真係淨係窮?又或者我轉個方法問,如果你真係留下意香港,你認為扶貧係咪就可以解決到問題?我直接講我既睇法,唔係。香港係有窮人,而且好多人唔喺貧窮線下但係一樣窮。d錢唔見駛呀。d野好貴又無選擇。但呢d只係其中一部份。警察。法官。梁振英。梁振英d馬。自由行。新移民。喂,呢d全部係社會關懷既題目喎,而且我只係講咗一少部份咋。

當你諗緊「點解七警仲未繩之於法」,教會就關心緊「中秋節喇,要送月餅」,喂,咁邊有計傾?嗱嗱嗱,我知教會點答,教會會話:「每個人關心既野都唔同,你鍾意講民主,點解你唔包容其他人,尊重其他人既想法呢?」潛台詞就係「喂,你關心果d你咪自己關心囉,唔好煩到我,我派吓月餅我好滿足架喇。」另一套說詞係:「耶穌喺地上都無推翻羅馬政權,佢用愛去勝過魔鬼撒旦。教會有唔同既人,有支持亦有反對,我地應該互相尊重,在主裡面合一。」呢個係用好長既句子講「教會唔想講政治」。

我唔會慢慢同你討論定義,我直接講——當「社關」脫離咗教會的舒適區,開始挑戰政權,挑戰政府的合法性、挑戰政府的權威,教會就會唔出聲。我唔係話所有人,不過係大部份都唔想 confront 政府。我唔知係d人讀聖經讀壞腦定咩,總之呢種思想根深蒂固。不過……

一講到性,就唔同嘞。(暫不詳述)

大堂會係咁,咁細堂會呢?

細堂會礙於資源,社關都係細有細做,探下街坊呀,行出公園唱吓歌呀,整個慈惠基金幫吓d可憐人呀,大概係咁啦。不過講到對大環境的關心,細堂會可能會 flexible 一點,因為人少,社會議題的聲音會arouse 到教會回應,回應成點就睇個別同工的功力喇。

總之,講到社關呢,香港基督教界的想像還是耶教版蛇齋餅粽。講爭取民主,個個把口都識話「我都支持民主架」,that’s all。本土議題,好陌生,無意識。更大膽的港中區隔、脫共,就更加無人講了。無呀,其實教會咪好似一班無議席既泛民區議員助理咁囉,做d唔會死錯人既野,跟case 派資源,營造融入社區既形象。泛民每四年問你拿一兩票,教會可以每年叫你去一兩次佈道會。我唔會否決佢地既工作架,不過,我亦唔覺得佢地重要之嘛。

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s