祝裕美找到幸福

基督徒嘗試將他們的道德套在社會大眾身上,結果就是所有人都用基督徒定下的標準量度基督徒。基督徒反對自慰、婚前性行為、同性戀、離婚,所以凡有基督徒公眾人物逾越這些界線,坊間一定會質問,這不是針對你耶教,只是常理。道德高處不勝寒,耶教要做社會良心、作鹽作光,就先管好自己人吧。

你也許會辯論說「那只是某些宗教塔利班的主張,不代表基督教」,對,道理的確是這樣說,但印象卻不是這樣。若果忽然有一個牧師走出來說基督徒不吃豬,那大家會分得到那只是一個半個人跳了制亂說。耶教只管人家的性生活,是一個深刻的印象,是各教會講壇、各大機構的活動、聯署等長期累積出來的印象,不是你說一句「明光社不代表我」就能輕易帶過。 裕美離婚,報紙唔可憐佢,一來是因為疑似是她有外遇,二來就是傳媒唔爭基督教。

另一方面,教會界卻見不到要聲討這個「將神配合分開」的婦人。喂,你又要企道德高地鬧人但係又護短,點服你呀?仲有高皓正,口口聲聲話睇住裕美同佢老公大,咁你高主教咪失職囉,睇住大都出事。仲有呀,佢丢下一句「搞人老婆就唔啱」。喂呀哥,咩叫搞人老婆呀?強姦呀?強姦就報警。如果唔係強姦,即係你情我願啦,咁你唔好講到裕美被迫咁啦,牛唔飲水點㩒得牛頭低呀?嗱,離婚就一定唔開心同需要空間處理㗎喇,我都唔係要求你煮死裕美,我只係希望平時好大支嘢嘅道德高人公平啲,出聲講兩句。 如果道德高人們覺得咁好hurt裕美,咁你不如懺悔一下你平時hurt到幾多人啦。

至於我呢,我覺得婚姻嘅嘢得就得唔得都無辦法,阿裕美去搵幸福,咁咪搵囉,旁人無可置喙。不過我會好好睇吓佢會唔會搬神上枱,然後再等幾年睇吓佢會唔會話咩神帶領咗佢進入幸福人生。都28歲啦,做人為自己決定負返責任,溝仔咪溝仔囉,唔好拎上帝出嚟講。所以呢,如果有人話要為裕美夫婦祈禱,我會問,祈咩呀?祈禱佢地復合?定祈禱神審判撕毀婚約的人?求神安慰?安慰誰? 還是,求神赦免我們將道德加在別人身上,然後祝福裕美同佢老公可以分開之後都有豐盛生命?如果裕美同佢老公都返我教會,我會問清楚佢地係咪真係想離婚,係就幫佢地搞離婚禮,然後勸首先再找到新伴侶的離開我教會。

– 熱血時報網站連結 http://www.passiontimes.hk/article/2016-06-15/31091
– Copyright © 2016

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s