馬可福音的怪結局分析

馬可福音,四福音中的「壞孩子」,因為它的風格真的很狂野。而這結尾,可以話係反高潮結局的始祖。而這反高潮,係完全令人呆著的,因為這作為耶穌故事的結局真係好流,流到你會覺得呢個耶穌係咪流。比較結局,馬太有大使命,路加接住使徒行傳,約翰個尾耶穌肯定返彼得。唯有馬可,結局是「因為她們害怕」。

 

呢個結局勁呀,我在想,為馬可福音加結尾的僧侶,心情一定好複雜。

「Mark 哥你唔好怪我!作者已死!你留低舊蘇洲屎俾我地,我地為左你本書入正典,我地先咁做架咋!何況,我地個尾係抄返路加既,無所謂啦,主內一家!」你可以想像一下,在未有長結局之前,大家真係摸唔通馬可想講咩架喎。

 

其實馬可點解咁寫?如果我們向「無架,佢亂來」的方向想,就無咩好諗既,所以我地不妨先假設馬可係故意,而埋藏左技法喺入面。

 

馬可福音係有一套特別的pattern的,佢通常寫一件事會寫應該認識耶穌的人誤解耶穌,例如門徒在耶穌預言他會死的時候,他們總是很困擾,甚至掛住爭誰為大。又例如彼得宣認耶穌就係彌賽亞之後,佢即刻叫耶穌唔好去送死。咁即係佢唔明啦。總之,一次又一次,馬可福音班門徒係唔明耶穌,搞唔掂的。而呢個pattern係有另一part 的,就係往往係果d「唔啱」既人佢地先真係明耶穌架喎。例如耶穌趕出來既魔鬼佢咪明耶穌囉。甚至係羅馬百夫長,都承認耶穌係神既兒子架。

 

馬可福音的結局,就是這個結構的高鋒。猶大出賣耶穌、彼得不認主,到了今日的經文,幾個婦人害怕,說不出口。這是 pattern的上半——應該熟悉耶穌的人,不認識他。pattern的下半呢?就是我們了。馬可期望讀者——我們就是那些不正確但真係懂耶穌的人。

 

剛才一開始提到,馬可福音好痴線,其實佢個頭都好癲的。馬太有家譜、路加有天使報訊、約翰有「太初有道」,全部都好勁。但馬可就只掉下一句「福音的起頭」。原來我們都讀錯了,不是那節是起頭,其實是指成卷馬可福音是福音的起頭。而馬可福音的尾是真的未完成的,因為它沒有fulfill 馬可的pattern,而他在邀請讀者成為見證人。

 

按此理解,馬可福音一直都在邀請我們去宣告耶穌是誰,而這宣告是透過生命改變去活出來的。說得具體一點就是福音會持續地將你變成另一個和以前不同的人。我不知道你有沒有這改變,有沒有持續改變,有則嘉勉,無則改之。今天是復活節,我希望大家都可以重新再來。

2 thoughts on “馬可福音的怪結局分析

  1. 完全唔同意陳弟兄踩馬可 — 多數神學院講師傳授話,馬可福音係四卷福音書之中最早寫成,而資料來源於馬可的親戚(表哥?)大使徒彼得,故此其餘三卷福音書多少抄錄(或參考)了馬可.先行者質樸,後來者有所修飾,亦合乎文學規律也.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s