近來,敝教會提起了「信徒起碼要讀完一次聖經」的要求,並付諸實踐。我們的讀經計劃是「三個月速讀完整本聖經」。以下我教大家怎樣可以做到。
拋棄「第一次要看懂」的想法。我們的目的是要在短時間內掌握整本聖經的基本輪廓,不期望要看得明,特別是舊約的律法、神諭,要輔以其他背景資訊才能掌握,所以,在速讀要容許自己看不明。把聖經讀明白,是查經的任務。
要分辨文體。聖經內有不同文體,如敍事、家譜、詩、神諭、律法、劇本、格言、信件,甚至天啟文學。如果每一種都當成是敍事去讀,是註定失敗的。所以,速讀的時候要留意你在讀什麼文體,用相應的速度讀,才能順利把聖經讀完。
敍事、劇本等易懂,可以慢慢品嚐。詩歌也可以慢慢細味。家譜、律法,見到略讀快跳就可。神諭、書信、天啟文學要求對背景的掌握,所以不易一下讀懂,大概讀個印象就可以。箴言好讀,但一次過刨則太膩,所以建議間中讀少少。
以舊約為例,創世記一路讀到出埃及記,然後飛掉會幕建造方法,然後快速掠過利未記,和民數記數人頭,去到行曠野的故事慢慢讀,申命記略讀。咁就會完成五經。之後約書亞記開始到列王紀,凡有家譜、律法就跳,只看劇情,唔太難捱。歷代志其實好好睇,只要跳過開始的家譜,之後幾好讀。之後以斯拉、尼希米、以斯帖都好易。
之後就係最艱辛的部份。約伯記不宜細讀,中間的大長篇獨白,快看就好,只是掌握劇情大概就得。詩篇、箴言應該分散投資,一次過讀太膩。傳道書、雅歌容易。
然後是三大卷先知書,全部都係spot劇情,略讀神諭就可,如果唔係無可能捱得過。哀歌、但以理 easy job. 經過大部分舊約的訓練,十二小先知書係小菜一碟。
新約。建議四福音不要連讀,會亂,因為啲故事又repeat但又唔同,密集睇會混亂。所以睇睇下舊約應該獎自己睇一卷福音書。路加應該最後睇,之後駁使徒行傳,然後就讀信。最後睇啟示錄,大功告成。
有左呢個訓練,你會對聖經嘅眼界開左好多,在加上一齊查經,咁信仰內功會增長得好快。